nakaka-senti ang ulan.
utak ko’y pumupunta kung saan saan.
mga pangyayari sa nakaraan,
may kasayaha’t kalungkutan din naman.

epekto ng ulan sa iba’y di ko alam
pero ang alam ko lang, sa aki’y kasentihan.
lalo na ngayong pakiramdam ko’y nawalan
ng isang taong mayro’ng kahalagahan.

di ka naman nawala o naglaho ng bigla
sa akin ay di lingid ang gan’tong balita
pero kahit gano’y di pa rin pala handa.
kaya andito ngayon, walang magawa
kundi ang magsulat at gumawa ng tula.